俄羅斯議員倡球迷打鬥合法

下年嘅世界盃主辦國俄羅斯為咗解決球迷流氓問題,杜馬右翼議員Igor Lebedev提出一項富有前瞻性嘅提議,就係將球迷互毆合法化,成為一項觀賞性運動。

bloodshedeuro2016
Euro 2016 球迷被打

玩法係咁嘅:Igor提議喺球場內設立一個打鬥區,成為球場上嘅另一個競技場。雙方球迷每次最多為20人一組,兩組人須承諾只用赤手空拳,不帶任何武器,就可以約定時間喺打鬥區開戰。其他球迷亦歡迎觀戰。

Igor話,希望俄羅斯能創設呢項史無前例嘅球迷互毆運動,又話喺球場設立打鬥區可以將球迷嘅暴力行為引導去一個和平嘅方向。

Source: The Guardian

深度文 –俄羅斯人係點生活㗎?

俄羅斯貪污索賄之日常

俄羅斯貪污問題嚴重,官員以權謀私、妨礙司法、索賄行為等經常出現。普京自2012年再次當選總統後,就視肅貪清腐為當局首要急務。近年媒體報道不少俄國高官被俄羅斯當局罷免和審查,這些消息為世界帶來很多話題性的新聞。

去年九月,俄羅斯反貪腐官員扎哈爾琴科(дмитрия захарченко)遭人檢舉,警方前往其親人住所搜查,竟然發現超過1億2000萬美元及200萬歐元現金,巨款數目令人嘩然。另去年十一月,俄羅斯經濟部長伍留卡耶夫(Алексей Улюкаев)涉嫌在石油交易案中索取200萬美元賄賂被捕,是自蘇聯解體以來當局最高級別官員被羈押。

可惜貪污索賄的風氣早已蔓延到整個社會,難以消弭。俄國人每日面對的仍是不同索賄和官僚主義問題。無論在醫療、教育、社會運作上都離不開貪腐。最近我在VK(俄羅斯社交媒體)上找到三位來自不同背景的俄國人。他們向我分享了在俄羅斯賄賂的經驗。由於安全理由全部受訪者都要求換上假名方可發佈文章。

個案一:

幾個月前,Liza證實患了急性淋巴细胞白血病。她說:「要經過很長很複雜的療程才能把病治好。即時接受療程,亦只有20到40%機會痊癒。」Liza父母得悉她患病的消息後,隨即向主診醫生送上5000盧布(約港幣660),希望他能好好照顧Liza,以及給予她適當治療。

仍在接受治療中的Liza憶述有次她到醫院覆診賄賂醫生的經歷。那天Liza在醫生諮詢房門外等了五小時,手上拿著信封,內藏了10,000盧布(約港幣1300)的賄款。她戰戰兢兢的把信封收在一堆抹手紙中,準備送到醫生手上。醫生收到「捐款」後,就安排她到環境和醫療設備較完善的病房接受治療。

img_4096edit

理論上,俄羅斯本地人接受這裡的醫療服務是免費的,額外費用亦該由醫保負擔。可是,想要把病醫好,病人們似乎都逃不了向醫院提供「額外捐款」。

訪問中Liza重複提到,賄賂醫生不是什麼新鮮事,有很多病人都是這樣做的。Liza說到:「有時候,尤其在年尾,醫院的職員會告知病人醫院缺乏營運資金,未能為病人提供藥物,要求病人自行支付相關費用。」到那時病人就要識趣,自掏腰包「捐助」了。

個案二:

Nikolai是個聖彼得堡國立大學的畢業生,主修經濟及金融。Nikolai稱,他好幾次賄賂考官來換取學業成績。

「每個成績級別都可以用錢來買到,而且每個分數都有特定價格。基本上,你願意付出更高價錢,就能買到更好成績。」Nikolai說。

在俄羅斯教育制度裡,用金錢換取成績已成為常態。Nikolai透露,學生會透過與教授關係密切的中間人給予賄款。到了考試當日,學生毋須前往試場應考,仍能得到理想成績。Nikolai說:「在我的學習圈子裏,過半數同學都會賄賂教授。聽起來很奇怪吧?如果學生前往應考,也有機會失手。賄賂考官才是成績的保證。」

個案三:

即使俄羅斯貪污成風,亦不代表每個俄國人都能接受。Dmitry是個22歲的學生,他跟很多同年紀的俄羅斯年輕人一樣,想取得駕駛執照。Dmitry說:「教車師傅在第一堂課就問我是否願意多付額外費用來換取合格。我覺得這句話帶冒犯性,即時拒絕了他。當時我還質問教車師傅為什麼看不起我,認為我沒有能力學好駕駛。」

img_3961edit

後來,教車師傅向他解釋,如果不付額外費用,考試合格率是超低的。簡單來說,路試當天是由俄羅斯交通警員負責評核考生的表現。如果他們在考生身上得不到額外收入』,考官總會找到理由不讓考生通過測試。

Dmitry對這個貪污制度感到無奈,其後更發現駕駛學校跟政府部門聯手操控發牌標準,逼使每個考生多付額外費用。Dmitry後來給了教車師傅25000盧布(約港幣3200)的「額外費用」,教車師傅把有關款項再與駕駛學校、警察部門及考官攤分。Dmitry最終順利取得駕駛執照。

在領取駕駛執照當日,他遇到幾個準考生到櫃檯報名考試。在Dmitry詢問下,發現他們是不願付賄款的一群。有的更跟他說已嘗試了第七、八次亦未能通過測試。不過,即使他們承受著屢戰屢敗的滋味,仍未曾動搖到他們去「走捷徑」。Dmitry認為在俄羅斯生活,誠實須付出代價。

以上三個個案中,受訪者都彷彿有自由去拒當行賄者,杜絕貪腐歪風。可是在這樣的社會做個正直的人,要賠上的代價不是每個人都能承受。

原文刊在《獨立媒體》2017-01-30

深度文 –沐浴露可以當酒飲,世界已阻止不到戰鬥民族解酒癮了

俄國人酗酒問題嚴重雖然不是什麼新鮮事,但他們「渴酒」的程度確實是超乎我們想像的。很多俄羅斯人喜愛喝伏特加,可是對部分人來說,酒精飲品的價格並不便宜。買不起的話,其實有超過1200萬俄羅斯人也試過用酒精代替品來解酒癮,這些代替品包括有窗戶清潔劑、香水、鬚後水等。面對俄國人酗酒問題,當地政府多年來亦束手無策。

img_2897

全俄民意研究中心(VTSIOM)於上年十二月尾公佈一項關於最低合法購買及飲用酒精年齡的調查,結果發現77%受訪俄國人認為應將合法買酒年齡由18歲提高到21歲, 只有17%受訪者反對此建議。

來自俄羅斯主要城鎮(人口超過100萬)的受訪者比居住在小市鎮的受訪者對此建議更表示歡迎。相反,來自俄羅斯兩大城市:莫斯科及聖彼得堡的受訪者則對提高最低合法購買酒精年齡的支持度不太。

即使民意表示支持,俄國政府卻對此建議有所保留。事實上,俄羅斯參議員Anton Belyakov早於 2009, 2012, 2013,和2015提議將最低合法購買酒精年齡調高到21歲,目的是希望年輕一代可以遠離酗酒問題。惟四次草案連首讀也沒有就遭俄國政府反對,立法恐怕遙遙無期。

的確,俄羅斯對製造和售賣酒精飲品的監管的確有很大進步空間。俄國人酗酒鬧事、廉價劣質酒在市面上泛濫等等,這些社會問題政府都好應該正視。但單靠提高合法買酒精年齡又是否有效呢?

俄羅斯飲用酒精市場存在兩大問題:一,俄國人會購買香水或沐浴劑充當飲用酒精飲用,因為這些商品能避過銷售限制及稅收,價格比飲用酒精便宜,因而變成飲用酒精的代替品。二,很多地下工場製造假酒,轉售到消費者手上。假酒或劣質酒的製造成份不明,飲用後可能會中毒甚至死亡。在2016年十二月,位於俄羅斯西伯利亞地區的重要城市伊爾庫茨克(Ирку́тск)就發生沐浴露代酒中毒事件。受害者飲用了沐浴露含有致命的有毒物質甲醇,造成至今74人死亡,事件亦引來國際關注。

俄羅斯總統普京就事件表示關注,亦宣佈對含酒精產品增加稅收的措施。除了從法例上作出監管外,俄國政府應從教育方面著手,盡量減低市民對非飲用酒精商品和劣質酒的飲用需求,才能杜絕問題根本。

原文刊在《獨立媒體》2017-01-05

 

聖彼得堡MUST GO景點 -New Holland溜冰場

今年聖彼得堡十月尾就開始❄️落雪❄️。平均嚟講要等到第二年嘅三月先會開始融雪,進入初春。成個冬天流流長,咪以為冇地方好去呀,呢個New Holland 新開嘅戶外溜冰場係我嘅重點推介。一來香港冇戶外溜冰場,成件事變得好有新鮮感。二來價錢平又唔多人,😙好抵玩!

img_4144

New Holland係聖彼得堡市內嘅一個”島”。好耐之前係個船廠,今年八月重開,變咗一個專搞文化同社區活動嘅地方。由於好多Music Concert都係呢度舉辦,開幕冇耐已經吸引咗好多年青人去呢度玩。而New Holland個戶外溜冰場都係今年先新開張啦,所以佢租畀客人嘅溜冰鞋係超新淨。

我平日晏晝入去玩,入場費只不過係100Rubles ,港紙12蚊左右。連租鞋埋單洗咗320Rubles,即係港紙40蚊。咁當然夜晚時段同Weekend入場都會貴少少,但係喺負十幾度嘅氣溫下踩冰真係好過癮。

New Holland溜冰場定咗每一個鐘為一個時段,每個時段之間都有個Break,啲工作人員就會趁呢個時候產平返個場。呢度嘅工作人員除咗專業之外服務態度亦超好,會走過嚟同我傾下計,用佢哋僅餘嘅英文知識主動同我溝通,抵讚。

img_4169edit

個溜冰場好大,但係人唔多,可以盡情加速到唔驚撞到人⛸

New Holland 戶外溜冰場資料:

溜冰場開放日子:2016年11月19日至2017年3月15日

溜冰場收費表:https://goo.gl/G0SdMQ

網址:http://www.newhollandsp.ru/en/

地圖:

港燦留俄 - 夜蒲聖彼得堡 (2)

THE HAT BAR - 爵士樂手聚腳點

每次識新朋友嗰陣,都會循例問下人哋平時夜晚得閒會去邊玩。 幾乎每個人都會推薦我去呢間The Hat Bar。 點解咁值得去? 因為每晚都有Live Jazz Music聽囉😌。

爵士樂可能對平民百姓嚟講易入口啲,至少都聽過下Louis Armstrong或者Billie Holiday啲歌掛。The Hat Bar個老闆,好明顯係個爵士樂愛好者。為咗公諸同好,佢好歡迎爵士樂手嚟Jam下歌,重點係平日夜晚聽眾免費入場。周末去雖然要俾少少入場費,比錢換token入場,拎住個token又可以換返杯Free drink比你,Fair enough。

wineedited

間Bar唔大,周末去真係好迫,搵個位企下都難。我個人比較鍾意平日去,有位坐,舒服啲。間Bar嘅裝修加入咗好多美國舊式酒吧嘅元素,內牆牆身用咗鴨屎綠色,Corner位有真皮梳化,精緻嘅吧檯凳,仲有牆身嘅壁燈發出柔和嘅光線,全部都好配合到爵士樂個feel。Weekend就算再迫,人多搞到又焗又熱,live music一嚟嘅時候所有人都一樣享受(除咗我)。

img_2735

The Hat Bar 會不定期搞下啲新節目,係呀不定期呀,因為爵士樂最鍾意玩即興㗎啦,睇下你好唔好彩遇到啱你口味嘅爵士樂手啦。

 

應該幾點去The Hat Bar:平日十一點後,星期六日十點幾好去到,真係好多人㗎!

預幾多錢去The Hat Bar:嘢飲價錢好合理,每杯價錢大約150—450盧布

The Hat Bar地址

 

俄羅斯乜乜乜🤔(2) - 黑口黑面

俄羅斯人係咪唔笑

平時上網搵到啲文章話俄羅斯人成日唔笑,到底現實又係唔係?我個人認為香港人都成日黑面,所以睇唔出有咩文化大分別。西方人感覺就比較大。

有種笑容叫做duty smile,即係返工對住老細同客人係咪都要笑果種,西方國家或者日本會比較重視。例如:行入間餐廳侍應會同你問好呀,嘢食到咗又問啱唔啱你口味呀,得閒又會過嚟同你吹下水,了解下你。一般香港啲餐廳邊有呢啲嘢啫。

其實唔笑,又有乜好怕喎。

有笑容固然之係好,但重點係要發自內心。成日假笑就變得虛偽囉。俄羅斯人唔係唔笑,佢哋嘅笑容係sincere smile多啫。同俄羅斯人friend咗,咪一樣嘻嘻哈哈,成日互笑大家。如果無啦啦超級市場個收銀呀姐對住你笑,你仲驚啦。總之,我嚟到俄羅斯都無咩唔習慣。

P.S. 我都成日俾人話我黑面。

食嘢係咪要比TIPS

呢樣好睇個人意願同場合。俄羅斯都有快餐店或者飯堂(столовая),價錢當然平民化啲,亦無比tips嘅習慣。我諗無人去大家樂大快活都比tips掛。

另外都有貴少少,環境舒服少少嘅餐廳。我會視乎侍應嘅服務而決定比唔比tips。有時找錢咪比啲碎銀囉(10-30rubles),兌返港紙其實都係幾蚊。

Fine Dining嘅話就,碌卡搞掂唔使煩。

深度文 – 俄羅斯人點睇俄羅斯

受歐美制裁,俄羅斯本地人點睇

因烏克蘭危機爆發,自二零一四年起俄羅斯受到歐盟跟美國連番制裁。經濟打壓持續兩年多,俄國國內生產總值明顯下跌,盧布大幅貶值,究竟俄羅斯本地人又點睇呢種國際關係呢?

俄羅斯獨立自主、非盈利社會調查中心喺十月做咗份調查,發現多數俄羅斯人認為西方國家對俄國嘅政治批評係為咗削弱俄國喺國際間嘅地位,亦覺得俄國政府不需理會。

調查結果顯示59%受訪者認為西方國家對俄國嘅批評並唔重要,只係得30%受訪者認為當局同社會應該更加重視呢啲批評。

呢份調查亦探討咗受訪者想法嘅背後原因。43%的人認為西方國家只係想削弱俄羅斯的國際競爭力,所以他們對任何關於俄國嘅報告都有存有偏見。35%受訪者就覺得,俄羅斯對西方嘅不友好態度係一種傳統,25%受訪者就提到,西方國家為咗逃避責任,轉移視線,總係怪罪於俄羅斯。

俄羅斯本地人嘅移民諗法

講到移民呢家嘢,中國人好有自己一套演繹方法。口裡說愛國,但個個趕去拎本外國護照;又話要撐國貨,但就衝去小日本國狂掃。咁俄國人又點睇俄羅斯前景呢?會唔會口裡說愛國,心裡想移民?

Газета.Ru喺十月公佈咗一項社會調查,顯示有75%嘅受訪俄國人希望佢哋嘅下一代繼續生活喺祖國俄羅斯,並唔鍾意佢哋移民到國外。調查結果顯示,經濟形勢不穩定同西方國家製裁並未影響到俄羅斯人嘅移民睇法。有86%的俄羅斯公民並唔願意離開俄羅斯。

俄羅斯除咗喺外交上有自己一套諗法外,以上嘅調查亦顯示咗俄羅斯公民面對西方國家時不妥協嘅心態,亦用行動證明咗佢哋嘅愛國心。呢種心行合一,實在好值得中國人民借鑒。

港燦留俄 -聖彼得堡MUST GO景點 (2)

勝家大樓 (Singer House)

唔讀書嘅我,平時見到三聯中華商務都調頭走。嚟到俄羅斯就比呢間充滿哈利波特feel嘅書店吸引住,決定入去自high扮文青。勝家大樓位於Nevsky Prospect同Canal Griboyedov之間。建築物嘅低層依家係間書店,而上層就係VK (social media巨頭)嘅辦公總部喇。

singerhouse-01

勝家大樓起初係三層高嘅住宅,後來比勝家衣車間公司買咗,想喺聖彼得堡起番個摩天大廈。可惜呢度有條建築規例講明所有大廈唔可以高過23.5 米。所以呀建築師Pavel Syuzor運用咗少少技巧令依家有六層高嘅勝家大樓望落宏偉啲,例如運用咗落地玻璃設計同加裝2.8米高嘅精緻門口。對於當時嚟講,呢種設計好摩登架啦。

喺1938年,呢棟建築物正式變成書店,雖然當中經歷過戰爭受損,不過之後都修復好啦。

img_3212

行入書店第一印象就係:嘩,洗唔洗咁靚。書店嘅第一層有好多紀念品買,價錢都算合理。最最最吸引我嘅係呢度嘅名信片,sneak peak比大家睇,我手上拎住嘅都好靚呀!

output_7a4qrt

singhouse2-01書店二樓有間Cafe Singer,行到攰可以入去嘆番杯咖啡,欣賞風景。

subheading-01

書店營業時間: 9am – 12am

預用幾耐行: 半個鐘,用嚟揀手信同明信片 (啲俄文書你都睇唔明㗎啦)

港燦留俄 – 基本嘢 (2)

之前基本嘢(1)就講咗關於出發前嘅準備,今期就講吓去到俄羅斯之後嘅實戰篇。基本嘢(2)會首先講點交電話費,之後再介紹下呢到嘅交通工具。

output_ywpsuf

交電話費有三個方法:

1.上網繳費    

2.到電話供應商嘅門市俾錢    

3.去街度搵增值機增值

上網繳費嘅話,雖然電話供應商啲網頁支援英文版,但係開發得唔係咁好,唔係個個位都有英文翻譯,又要自己慢慢打信用卡啲資料,對我嚟講kind of麻煩囉。(JM tone)

到門市比錢係幾好,又唔會收你手續費,但係要特登行過去俾錢好唔convenient囉。無晒自己個life,come on。

增值機就正啦,成街都係。地鐵站、火車站同超級市場裡面都有,只要有cash係身就可以增值。增值機有個touch screen,只要㩒一㩒你嘅供應商logo同輸入返你個電話號碼,然後俾錢就搞掂。雖然部機會charrrrrrge你少少手續費,都係港紙幾蚊啫。增值機咁方便,佢deserrrrrrve嘅。

而家好多電話供應商例如Beeline,YOTA,MTC等都有電話app 可以download。有咗個app就可以隨時查詢通話費有幾多、用淨幾多data,同提你幾多號要交電話費。

output_zchejn

聖彼得堡有四種主要交通工具:地鐵(метро)、巴士(автобус)、無軌電車(троллейбус)、小巴(маршрутка)。

地鐵(метро):

地鐵有5條線,67個站。路線圖有英文同俄文,所以每個地方名點讀應該難唔到大家啦。
收費方面每程要35RUB,無論遠近都劃一收費。入到地鐵可以用機或者去counter買。俾錢之後你會收到個Token,係入閘時用嘅。

另外呢度亦有類似八達通嘅咭買,佢叫做smart card。只要增值後就可以用嚟搭地鐵,巴士同無軌電車都得。

當然亦有7日,15日,30日等嘅地鐵飛買,視乎你嚟呢度玩幾多日啦。收費可以㩒入呢度參考。

俄羅斯地鐵起得好深,由地面搭電梯落月台要兩分鐘(無聊之下我自己計時)。所以..有時落到地鐵站會收唔到電話㗎。

trainstation

小巴(маршрутка):

由於小巴係私人經營,所以只收現金。費用30至36RUB。同香港啲小巴一樣,要嗌『有落』先停站。所以要清楚條小巴線先好上車。安全起見,嚟旅遊嘅就唔建議搭小巴啦。

巴士(автобус)

bus

費用30RUB,用現金或smart card俾錢都可以。巴士裡面有個工作人員負責收錢。俾錢後佢會俾張飛仔你做收據。最早5.30-5.45 AM頭班車, 最晏 0.00-0.30 AM尾班車。咁凌晨點算好?weekend呢度有Night buses (1М, 2M, 3M, 4M and 5M)嘅。班次相對會疏啲,所以想慳錢搭巴士嘅就唔好玩咁夜啦。

無軌電車(троллейбус)

最後有無軌電車,運作上同搭巴士差唔多。最緊要係上車前睇清楚佢係巴士定無軌電車,因為有時會撞咗number。上錯咗就大獲。

港燦留俄 - 夜蒲聖彼得堡

img_3474-copy

嚟到俄羅斯,無理由唔感受下當地人嘅夜生活。不過玩還玩,要注意安全嘅。俄羅斯啲夜場同酒吧唔係間間都咁decent架,原因第一:有啲酒吧會賣假酒,第二:要睇埋客人質素。今次我為大家介紹呢間酒吧出名嘅係佢獨特嘅室內設計同音樂!潛到天光都唔想返屋企。

VNVNC

img_3466

鍾意聽 EDM的人有福了!

雖然香港依家無咩夜場會播Industrial Trance或者IDM音樂,但我相信仲有呢類型音樂嘅粉絲嘅。VNVNC呢間吧裝修成一間聖堂咁,一入門口已經見到幅彩繪落地玻璃, 極高樓底,天花就吊住大大個刺冠。淨係睇裝修都已經有夢幻gothic嘅感覺。

img_3468

門口直行右手邊就有吧檯,係呢度嗌嘢飲大概要200-350盧布,價錢合理,可惜選擇唔多。紅白酒基本上冇得揀,cocktails 都有classic同七款自家recipes,肚餓嘅話仲可以叫個熱狗頂下肚先。VNVNC中間有個細嘅dance floor,大概凌晨一點就開始多人。一路聽住downtempo, trip-hop, deep house, minimal techno 音樂,一路進入第二個境界…

不過提提大家,VNVNC淨係開星期五,六晚,編排行程嘅時候要注意啦!

👻VNVNC網頁:https://vk.com/vnvnc

👽VNVNC位置: