【俄羅斯旅遊基本嘢】買SIM卡懶人包

俄羅斯有四大電信公司提供流動電話服務:

MTS同Megafon呢兩間相對受歡迎,用戶各自約有8000萬。 BEELINE大約有6000萬,Tele 2有超過4000萬。 呢4間公司喺整個俄羅斯都有3G或4G網絡覆蓋,所以旅行時到唔同城市玩都唔使轉SIM卡。

【SIM卡價錢】:(以一個月有效Prepaid SIM卡計)

Simcard-01

Tele 2 – 包200分鐘通話,50條SMS,2GB Data,無限社交媒體Data,每月199盧布(25港紙)。 

Beeline – 包300分鐘通話,1GB Data,每月350盧布(45港紙)。一次過俾350盧布(一個月嘅費用)嘅話多送1GBData。

Megafon -包2GB Data,無限WhatsApp、Viber,每月400盧布(52港紙)。

MTS - 包7GB Data,200條SMS,免費同台打電話,無限使用Whatsapp、Facebook等社交媒體。每月500盧布(65港紙)。

【去邊買SIM卡】兩個方法:

1 -出發前上網預訂:

到運營商嘅網站預訂SIM卡( 例如:Beeline )。可以自選號碼,到埗後到佢哋嘅門市pick up。

2 - 到俄羅斯先買:

到任何一間電話舖或運營商門市買SIM卡。 莫斯科同聖彼得堡國際機場都有電信公司門市,而且機場到有免費WIFI,唔駛驚到埗後同香港嘅朋友失聯。

留意返,買SIM卡時記得一定要帶PASSPORT

重要嘅事情要講三次:帶PASSPORT,帶PASSPORT,要帶PASSPORT

帶埋嗰張註冊卡Registration Card(入境時關員比你個張白色紙仔),就萬無一失

希望以上資訊幫到大家,記得Like我Facebook Page同 Follow我IG啦!

祝大家旅途愉快:)

Advertisements

港燦留俄 – 基本嘢 (2)

之前基本嘢(1)就講咗關於出發前嘅準備,今期就講吓去到俄羅斯之後嘅實戰篇。基本嘢(2)會首先講點交電話費,之後再介紹下呢到嘅交通工具。

output_ywpsuf

交電話費有三個方法:

1.上網繳費    

2.到電話供應商嘅門市俾錢    

3.去街度搵增值機增值

上網繳費嘅話,雖然電話供應商啲網頁支援英文版,但係開發得唔係咁好,唔係個個位都有英文翻譯,又要自己慢慢打信用卡啲資料,對我嚟講kind of麻煩囉。(JM tone)

到門市比錢係幾好,又唔會收你手續費,但係要特登行過去俾錢好唔convenient囉。無晒自己個life,come on。

增值機就正啦,成街都係。地鐵站、火車站同超級市場裡面都有,只要有cash係身就可以增值。增值機有個touch screen,只要㩒一㩒你嘅供應商logo同輸入返你個電話號碼,然後俾錢就搞掂。雖然部機會charrrrrrge你少少手續費,都係港紙幾蚊啫。增值機咁方便,佢deserrrrrrve嘅。

而家好多電話供應商例如Beeline,YOTA,MTC等都有電話app 可以download。有咗個app就可以隨時查詢通話費有幾多、用淨幾多data,同提你幾多號要交電話費。

output_zchejn

聖彼得堡有四種主要交通工具:地鐵(метро)、巴士(автобус)、無軌電車(троллейбус)、小巴(маршрутка)。

地鐵(метро):

地鐵有5條線,67個站。路線圖有英文同俄文,所以每個地方名點讀應該難唔到大家啦。
收費方面每程要35RUB,無論遠近都劃一收費。入到地鐵可以用機或者去counter買。俾錢之後你會收到個Token,係入閘時用嘅。

另外呢度亦有類似八達通嘅咭買,佢叫做smart card。只要增值後就可以用嚟搭地鐵,巴士同無軌電車都得。

當然亦有7日,15日,30日等嘅地鐵飛買,視乎你嚟呢度玩幾多日啦。收費可以㩒入呢度參考。

俄羅斯地鐵起得好深,由地面搭電梯落月台要兩分鐘(無聊之下我自己計時)。所以..有時落到地鐵站會收唔到電話㗎。

trainstation

小巴(маршрутка):

由於小巴係私人經營,所以只收現金。費用30至36RUB。同香港啲小巴一樣,要嗌『有落』先停站。所以要清楚條小巴線先好上車。安全起見,嚟旅遊嘅就唔建議搭小巴啦。

巴士(автобус)

bus

費用30RUB,用現金或smart card俾錢都可以。巴士裡面有個工作人員負責收錢。俾錢後佢會俾張飛仔你做收據。最早5.30-5.45 AM頭班車, 最晏 0.00-0.30 AM尾班車。咁凌晨點算好?weekend呢度有Night buses (1М, 2M, 3M, 4M and 5M)嘅。班次相對會疏啲,所以想慳錢搭巴士嘅就唔好玩咁夜啦。

無軌電車(троллейбус)

最後有無軌電車,運作上同搭巴士差唔多。最緊要係上車前睇清楚佢係巴士定無軌電車,因為有時會撞咗number。上錯咗就大獲。

港燦留俄 – 基本嘢(1)

img_27093-01

身邊好多朋友都覺得俄羅斯人係戰鬥民族,伏特加當水飲,駕駛技術超恐怖等等,但事實上對當地文化唔熟悉,甚至未嚟過體驗。做人點可以咁武斷:P 搬咗嚟聖彼得堡一排,我對呢度嘅生活細節都略知一二,如果想嚟俄羅斯旅遊,工作,甚至生活呢,都可以參考以下資料:

1:簽證

如果你持有香港特區護照,就可以免簽證逗留俄羅斯14日。 有澳門特區護照仲好,有30日免簽證旅遊。假如你抽起條筋,想喺俄羅斯長住,做嘢或讀書,就一定要有張邀請函 (Invitation letter)先可以申請VISA。呢樣嘢當然係僱主或學校幫你搞啦。搞幾耐?唔知,當地人辦事無一套準則嘅,所以老虎蟹都唔好買機票住。當你收到張邀請函,就可以上網搞VISA APPLICATION。個ONLINE VISA APPLICATION需要用到邀請函上嘅資料,可惜,張邀請函係用俄文寫嘅,記得花多少少時間去理解下,免得申請時資料有誤。網上寫申請後五個工作天先攞到VISA,但其實都係錢作怪。急起上嚟比多啲錢,一個工作天就搞掂。邀請函個樣 ->

scan整簽證需要咩文件:

  • ONLINE簽證申請表
  • 邀請函正本
  • 護照
  • 身分證影印本
  • 證件相 (35mm  x 45mm)
    唔清楚嘅話就同攝影師講要BNO嗰隻
  • HIV報告

2:兌換當地貨幣

喺香港有得唱盧布嘅。資料搜集過係銀行唱超唔抵,上環牛記會比較好,可以參考下佢匯率。我自己喺香港唱少少盧布,夠去到搭車用就OK,到埗後先再唱之後生活用嘅。街上有好多兌換店,可以用歐元或美金換盧布,但匯率成日變,甚至每小時都有變動,自己睇準時機兌換啦。

3:電話咭

對機不離手嘅我嚟講,電話咭真係好緊要。之前去日本,泰國,歐洲旅行前,我通常會去鴨記買好電話咭,一落機就即刻有得上網,好方便。但我自己就搵唔到香港邊度有得賣俄羅斯通用嘅電話咭啦。如果你係跟旅行團嚟俄羅斯,有啲旅行社可以預先幫你代買電話咭,價錢HKD300-400左右。值唔值得買呢?睇你自己啦。其實莫斯科同聖彼得堡個機場都有電話供應商嘅舖頭,買電話咭唔難,而且機場本身都有WIFI。價錢方面,舉個例,我自己用緊嘅電話咭係400蚊盧布一個月,即係港紙50蚊度,有無限上網,100分鐘通話費。電話供應商主要有幾間: MEGAFON,BEELINE, MTS,YOTA,TELE2等等,係街上好易搵到。↴

untitled-1-01

如果對出發前嘅準備有咩疑問,我好樂意同大家一齊研究研究㗎!